Chissa è la storia d’un paisi
Ca na vota era scigliutu di li sposi
Ca pi fari un matrimoniu a granni triddru
Si ivanu a maritari a lu casteddru
Chissu era un paisi tantu beddru
Popolatu di na pocu di turduna:
Cu li mafiusi si livavanu u cappeddru
E a li politici ci liccavanu i cugliuna
Cu l’anni lu paisi persi punti
Ma a li cristiani un ci ‘nteressava nenti
Picchì cu lu suli e cu lu mari
Li belli jurnati si putivanu passari
Un jornu quattru politici ncuscienti
Di l’ariata sempri sorridenti
Pi fari arricriari a li parenti
S’ammintaru l’accoglienza di migranti
La cosa pi quarcunu un fu gradita
Pi quarchi atru di lu cielu fu mannàta
Soprattuttu pi cu unn’avia muglieri o zita
Ca cu du sordi si iva a fari la sunata
In mezzu a stu pugnu di sciacalli
C’era puru cu circava ciolli
‘ncapu la machina si ni ivanu a passiari
E lu culu si facivanu spunnari
Dopu anni di degradu e di lamenti
Cuminciaru a nasciri li primi movimenti
Organizzati di na pocu di scuntenti
Ca nun vulivanu ni lu paisi li migranti
Lu paisi in du parti era spartutu
E cu un parlava passava pi curnutu
Tra buonisti briganti e fascisti gnoranti
dicivanu: nun li vulemu sti cazzu di migranti
E fu accussì ca na sira pi protesta
Ni li balcuna s’affacciaru tutti a tipu festa
E cu la finta scusa di na pocu di minchiati
Si misiru a fari scrusciu cu i pignati
Chissa è na puisia d’un dilettanti
Ca nun avia tanta fiducia ni la genti
Ca scrissi sti du versi spassionati
Tantu p’un diri li soliti minchiati
TW